Tuesday, July 30, 2013

'n Nuwe Lewe


Support Linah                    Help needed to restore eyesight                      Travel and Accommodation
Daar is en was al baie oor my gese, gepraat en dalk nog steeds, meeste van die tye agter my rug of selfs waar ek nie teenwoordig is nie. Dit het my net al hoe meer laat dink en besef oor die dinge waaraan ek tekort geskied het. Dit het my ook tot die insig gebring om nie afhanklik van negatiewe kritiek te wees nie, maar het my net sterker gemaak en my na boontoe laat opbeur. In so 'n mate dat ek uiteindelik die punt bereik het waar ek nou kan se: 'n Nuwe lewe met 'n nuwe toekoms wag vir my!

Ek het 'n wonderlike man ontmoet en eersdaags deel ons saam in een woning en in een alles. Met my vorige inskrywing van " 'n Terugblik na die verlede met die oog op die toekoms" het ek nog baie stof tot nadenke gehad. Ek het opnuut weer besef hoe die Hemelse Vader my lei volgens Sy Wil en Sy Orde. Ons beide glo dat dit ons Hemelse Skepper se wil was en is om ons bymekaar te gebring het. Alles voel net reg en voel dit asof ons mekaar al jare ken sonder enige twyfel van beide kante.

Om finaal die verlede agter te los het my ook laat besef hoe mense/persone ander se lewens op "mooi maniere" kan vernietig hetsy deur dade of deur woorde. Sonder om te dink, sonder om empatie te he en sonder om opreg te wees.

Vandag kan ek se, ek hoef nie meer terug te kyk daarna nie, want wonderlike dinge is met my aan die gebeur en bring ek al die lof en eer toe aan ons Hemelse Skepper en liefdevolle Vader.

So het dit my ook gebring na die alledaagse dinge waar die Christendom veral aangeval word en dit het my laat wonder hoekom mense nie meer en meer begin bid om die duiwel en sy werke nietig te laat maak nie? Hoekom word satan se naam nie so hardop genoem en geuiter soos wat daar met Christus se naam gelaster en gespot word nie? Is die mensdom banger vir satan as vir God?

Die satan val ons huisgesinne aan, dring in ons binnekamers in, lei ons weg van Christus se huis (die kerk) en ons is maar net ewe gediend daarmee met allerhande verskonings soos "ja maar dit of dat, ens" Ons sit sport stadions, teaters, filmhuise, musiekfeeste en dobbelhuise vol, maar ons het nie gawes om aan God te gee nie.

Hoekom begin ons nie vir 'n slag vra dat God se Koninkryk moet kom in plaas van ons eie selfwaan, behoeftes en tekortkominge nie? Hoekom bid en pleit ons nie eerder vir orde in 'n chaotiese, ongelowige wereld nie? Wat is dit wat jou keer om jou gesin te seen, God te dien en die satan te vervloek? 

Jy mag maar vir Skepper vra om jou te help in die stryd teen satan. Jy mag maar God se wapenrusting aantrek en begin afsien van eietydse en wereldse dinge. Met alles waardeur ek en my kinders is, het ek begin besef watse groot rol die satan in ons mense lewens gespeel het en nog steeds doen. Dat satan mense en wereldse goddelikhede gebruik het om ons gesin te vernietig en so ook besig is met ander gesinne, huise, skole, kerke en besighede.

Daarom gaan ons nou op ons kniee en ons bid: Hemelse Vader spreek die seen uit oor elkeen wat hier mag lees. Vergewe hulle wat nie wil glo of vertrou nie. Laat U wil geskied, Laat U koninkryk kom en bewaar ons van die aanslae van die bose. Lei ons op U pad, in U waarheid om U Wil te doen. Ons loof en prys U Naam ons Grote God, Koning en Hoe Priester, Saligmaker en dank ons U vir U onverstaanbare genade, vrede en liefde. Amen.

Mag God ons elkeen ryklik seen met voorspoed, vrede, liefde en geduld.

Liefde
E.T.S

Wednesday, July 17, 2013

Terugblik Na Die Verlede Met Die Oog Op Die Toekoms



Met die terugblik na al my vorige inskrywings weet ek dat dit dinge is wat verbygegaan het. Dinge wat in die verlede hoort en nie meer hoef gekoester te word nie. Dinge waaruit seerkry, hartseer en swaarkry voortgekom het, maar ook waaruit 'n mens geleer en gegroei het tot rype volwassenheid en aanvaarding van dinge wat was en kon gewees het.


Die wete dat ons Hemelse Skepper ons al die pad gedra, gelei en gelouter het, bring net lofsange en jubelinge voort. Uit dit alles het ek en my kinders hegter verbintenisse gesmee, groter begrip en meer liefde vir mekaar wat soveel kere verlore gaan in gesinne en individue.
Soveel mooi dinge het intussen gebeur om saam weer die toekoms aan te pak. Die boek van die verlede is finaal toegemaak en die deur van die toekoms oop voor ons. Geleenthede wat ons kan aangryp en kwaliteit tye saam met mekaar deur te bring. Die trots van 'n enkelouer op kinders wat tot volwassenheid en rypheid gegroei het, deur die ergste storms van hul lewens kon staande bly en oorbrug. 'n Sukses van hulle lewens en loopbane te kan maak, kom al die lof en eer toe aan ons Hemelse Skepper wat weereens vir ons gewys het hoe groot Sy genade en liefde in ons lewens was en nog steeds is.

My kinders wat hul pad oopgeveg het tot op die boonste sport van die leer met ondersteuning van vriende en kollegas, wild vreemdes en sommer net die wat opreg omgegee het. 

Vandag kan ek se, ten spyte van moeilike ekonomiese omstandighede is daar net vreugde in ons lewens. Vreugde in die weer vind van 'n lewensmaat om mee saam oud te word, te deel en net sorgvry lief te he sonder voorwaardes. Vreugde om oumaskap te ervaar en vreugde om kinders te sien presteer in hul loopbane.

Daarom wil ek vir almal, oud en jonk wat deur moeilike omstandighede gebuk gaan vandag moed inpraat en se deur elke storm, deur elke hartseer, deur elke seerkry, deur elke lydens pad, deur elke vreugde, blydskap, wanhoop, voorspoed - BLY OP JUL KNIEE VOOR HOM wat net vol genade en liefde is. BLY GLO, BLY BID, BLY VERTROU want dit is HY wat ons deurentyd dra, vertroos, versterk, versorg en lei met Sy onverstaanbare liefde en vrede.



Mag God se seen op elkeen van julle rus en Sy vrede met julle wees.


Liefde


E.T.S